Egidius

Egidius, waer bestu bleven?

Mi lanct na di, gheselle mijn.

Du coors die doot, du liets mi tleven!

Dat was gheselscap goet ende fijn,

Het sceen teen moeste ghestorven sijn.

nu bestu in den troon verheven,

Claerre dan der zonnen scijn:

Alle vruecht es di ghegheven.

Egidius, waer bestu bleven?

Mi lanct na di, gheselle mijn!

Du coors die doot, du liets mi tleven.

Nu bidt vor mi, ic moet nog sneven

Ende in de weerelt liden pijn.

Verware mijn stede di beneven!

Ic moet nog zinghen een liedekijn;

Nochtan moet emmer ghestorven sijn.

Egidius, waer bestu bleven?

Mi lanct na di, gheselle mijn!

Du coors die doot, du liets mi tleven.

- Jan Moritoen